وصلنا عبر البريد بيان من مجموعة تسمي نفسها “مستخدمي الإنترنت في ليبيا” تبين فيه إختراقها لشبكة المزود المحتكر لخدمة الإنترنت في ليبيا، شركة ليبيا للإتصالات والتقنية وسرقة بعض بياناتها الخاصة، أي ان الإختراق ليس قفل لموقع الشركة كما تعودت أغلب مجموعات الإختراق القيام به، وهذا مؤشر خطير يبين جدية هذه المجموعة وقدرتها على النفاذ لشبكة شركة ليبيا للإتصالات والتقنية.

وهنا نود توضيح أن الجبهة الالكترونية الليبية ليس لها أي علاقة بمنفذي هذا الإختراق، ولاتعرف هويتهم الحقيقية أو حتى أسمائهم الحركية – إن وجدت – على الإنترنت، وما نقوم به هو ممارسة مهنية النشر لنص البيان كما وصلنا نظراً لأنه يهم الليبيين اجمع.

البيان الأول لمجموعة: مستحدمي الإنترنت في ليبيا

مستحدمي الإنترنت في ليبيا (أنقر على الصورة لتكبيرها)

جدير بالذكر أن شركة ليبيا للإتصالات والتقنية تحتكر خدمة الإنترنت في ليبيا منذ أكثر من 14 سنة، وحتى اليوم لا تهتم بتحسين خدمات مشتركيها، كما أن عدة مدن ليبية تعاني من إنعدام وجود خدمة الإنترنت فيها.

نتمنى من مجموعة مستخدمي الإنترنت في ليبيا مراسلتنا عبر بريد وهمي لبيان بعض التساؤلات حول الموضوع، وكذلك نحن على إستعداد لنشر أي معلومات أخرى حال توافرها، كما نتمنى ان تظل هوية مسؤولي هذه المجموعة مجهولة بالنسبة لنا، نظراً لعدم رغبتنا تهديد امنهم وتحمل مسؤولية كشفها في حالة تعرضنا لأي ضغط قانوني.

تــحــديــث هــام:

ننبه جميع المستخدمين إلى اهمية وضرورة تغيير كلمات مرور حسابات WiMax وADSL فوراً، لتلافي عدم إستخدامها من قبل أشخاص آخرين، حيث نتوقع أن أي سوء إستخدام قد يحدث لحسابات المشتركين سيتم نسبه إلى عملية الإختراق هذه.

التصنيفات: أخبار, هام

تعليق 48 حتى الأن.

  1. يقول KazaNova Libya:

    دعاية ما فيش منها الدوء

  2. يقول KazaNova Libya:

    دعاية دعاية !!!

    • يقول Ali Tweel:

      تي شن دعاية يا إنسان انتا تعرف تقرا عربي ولا خيرك عربيتك مكصرة ماتعرفش تكتب؟؟ البيان فوق فيه صورة لبيانات من الشركة فيها أسماء وإيميلات مشتركين من الشركة.

    • يقول KazaNova Libya:

      Ali Tweel و الله … الله غالب عربتي مكسره (إمي اجنبيه) و انت شدتها في جرة الاملاء شكلك كانت تخدم مدرس… المهم قريت البيان 100% لو الناس اللي اخترقت الشركه رسمي اللي هما بين علامتي "مستخدمي الإنترنت في ليبيا"كانت لازم اتحط تسريب لبيانات اي شيء ملموس يمس المشتركين او الشركه نفسها .. و اني اكيد الناس اللي متضرره من الخدمة السيء … و الاستغلال الواضح من الشركه و في نهاية الحلقة موفق ان شاء الله

    • يقول Ali Tweel:

      ياراجل محطوطة بيانات المستخدمين قدامك ياسبحان الله!! أسمائهم وإيميلاتهم!!! مع إخفاء بعض منهم!! اللي يقرا تعليقك يفهم إن مش محطوط شي في البيان!!!!!!

    • يقول KazaNova Libya:

      اني قلت بيانات ملموسه مش صوره سكريين شوت 🙁
      يعني حطهم في text file يا باش مهندس وانشرهم في النت !!!

    • يقول Ali Tweel:

      أني ضد هالشي، شن ذنب المستخدمين تنشر بياناتهم للعلن؟؟؟

    • يقول Libya Hack:

      Ali Tweel غير شن تزمر و تخرطو توا بالله كان تبي تخترق الشركه اتجيب بيانات المشتركين ولا تضرب السرفيرات نفسها يا شنك اخترق و خلاص ايه بالله انشرو حسابي ترا كم مازل فيه غيغا

    • يقول Ali Tweel:

      الإختراق ليس للموقع، بل سرقة لبيانات مستخدمي الشركة كما هو مذكور في البيان. وأرجو الإهتمام في إختيار الالفاظ.

  3. الدوء .. اهو بنحطها في القوقل ….قالي هل تقصد الدواء هههههههه

  4. يقول Baha Mrz:

    الي الامام الي الامام ثورة ثورة

  5. يقول Khetam El-Badji:

    احسن حاجة

  6. السؤال الآن: كيف ستقوم الشركة بتعويض المشتركين نتيجة وصول بياناتهم في أيدي طرف ثالث خارج العقد المبرم بينها وبين المشترك؟ وفي حالة خسارة أحد المشتركين لحسابه نتيجة سرقته من شبكة الشركة فكيف سيتم حل الأمر؟

    • يقول Mustafa Alkhaboli:

      كالعادة حيتجاهلوا الموضوع واحتمال ضئيل يقلولكم نأسف علي تسرب البيانات ((ليبي فاقد الأمل من الشركه ))

    • يقول Alaref Hassan:

      تعويض !! انت تتحدث عن الشركة وكأنها فعلا مؤسسة تقنية ،محترفة ومهنية ، انها عاجزة يا آخى عن تغيير تاريخ منظومة الاشتراك البائسة التى لا تزال تردد تواريخ القذافي لليوم ، فكيف بها ان تبالِ بتعويض مشتركين او ماهية شروط التعاقد معهم !!!

    • يقول AbdulaZiz OS:

      صدقني ماناضايقين منهم حاجه !!!

    • يقول Ali Tweel:

      أني نقول إنهم حينكرو الموضوع من أساسه!

    • يقول Abdaljalil Eltaief:

      باهى اذا كان فعلا الكلام هذا حقة ….يعنى بيانات المستخدمين اللى تم الوصول فيها! يعنى المتضرر المستخدمين وليس الشركة !

    • يقول Ali Tweel:

      تخيل يتصكرو الحسابات كلها مرة وحدة! لما الناس بتضرر مش بتمشي للشركة بتهدها على راصهم؟ هذا من ناحية، ومن ناحية تانية اللي حاس بإنه الإحتمال الأكبر هو وصولهم لبيانات تانية أكثر خطورة، وهذا البيان مجرد تنبيه!

    • يقول Mustafa Alkhaboli:

      المشكله الي في ايده البيانات يقدر يفتح بحساب الوايماكس اللي يبيه ويحمل اللي يبيه والشركه في العسل مدخلها في شي

    • يقول Lavender Libya:

      جت علي راس المستخدمين سرقة بيانات والله العالم شن بيصير فينا بعد هالثغرة اللي صارت في الشركة بلا اختراق سرقة قيقات وتوا بالأختراق الله العالم ممكن تلقي الواي ماكس امتاعك يولع برووؤحه ويشتغل بدون ماتشغله ~_~…يااااااارب احفظنا مالنا غيرك.

  7. يقول Adam Tellesy:

    إستغلال المواطن الليبي من قبل الحكومة في بلده النفطي جريمة كبري ..

  8. يقول Libya Hack:

    اخر اختراق للموقع ltt مسجل في الزون اتش
    http://www.zone-h.org/mirror/id/10514273
    يا تعب انت ويه

    • يقول Ali Tweel:

      الإختراق ليس للموقع، بل سرقة لبيانات مستخدمي الشركة كما هو مذكور في البيان. وأرجو الإهتمام في إختيار الالفاظ.

    • يقول Lavender Libya:

      يعني الشئ هضا يضر المستخدمين اللي يعانوا من الشركة مش يضر الشركة نفسها لأن الله العلم بنوايا كل المخترقين ممكن يستعملوا بياناتنا صح!!!

    • يقول Ali Tweel:

      الله اعلم بالنوايا، لو الناس هادي تخاف ربي ومؤمنة بالقضية، إن شاء الله مايصير إلا كل خير.

    • يقول Lavender Libya:

      ان شاءالله….بجد انا مش متطمنة ~_~….الحافظ ربــي واللي يدير حاجة نيته ترد عليه واللي يديرها يلقاها.

  9. يقول احمـــد:

    بس لو غيرنا الباسورد شن الفائدة لو هما عندهم اكسس لبيانات الشركة؟

  10. يقول Ahmed Reeh:

    مفيش محامي راجل ولد امه و بوه يرفع عليهم قضية

    • يقول Ali Tweel:

      ليبيا تبي ناس هلبا من هالنوع، يكون فاهم وعنده قدرة وشجاعة على المواجهة، وغير يعلن بس على روحه وأني اول من حيرفع قضية عليها لإخلالها بعدة بنود في العقد المبرم بيني وبينها.

  11. نطلب من الحكومة تحويل جميع العاملين بهذه الشركة الي غفراء في المؤسسات العامة او الي جهاز النظافة العامة ، يكفي ضحك علي الشعب الليبي الشعب الليبي يرغب في المتعلمين و الفنيين لا في اعضاء اللجان الثورية الجاهلة و القمعية ، اليوم ليبيا تطمح في مواكبة التطور والتكنولجية لا رائدة في القمع والجهل.

  12. يقول Ali Tweel:

    نزيدكم من القصيدة بيت؟

    هادي مش أول مرة تصير، وسبق وصارت يوم 20 أغسطس 2011 يوم تحرير طرابلس، وتم نشر صور أكثر وضوح للبيانات المسروقة.. تفضلو شوفو بروحكم:

    https://www.facebook.com/photo.php?fbid=248208751880077&set=a.219551751412444.63594.151467314887555&type=1&theater

    وهادي كذلك:

    https://www.facebook.com/photo.php?fbid=248199548547664&set=a.219551751412444.63594.151467314887555&type=1&theater

    وطبعاً ودن من طين وودن من عجين، إلى اليوم ماحد تكلم، وخلاص تعودنا توا على أسلوب الشركة، وأي رد فعل يصير منها أني شخصياً ماعنديش ليه أي جواجي ولا معنى مادام حتجي صيغته تبريرية، حني نبو حد يطلع ويعترف بالغلط ويتمم كلامه بشرح لحل ناجع للمصيبة هادي، ويقول السلام عليكم وبعد فترة يطلع ويقول وين وصلو في عملية الحل اللي طلعو وقالوها، معاش نبو سياسة البانادول والمهدئات والضحك على العقول، راهو أقل واحد فينا ممكن يشد منصب كبير المهندسين في الشركة ومازال لحد الآن ماشفتش لغة حوار من هالشركة إلا الشكوى والتذمر والتبرير، مافيش حلول ولا إعتراف بالذنب وطلب الصفح!

    أني حالياً فاقد الأمل فيها وفي أي حاجة تمثلها، مهما جت منمقة ومزينة وقنينة.. قصتي معاها زي قصة الراعي الكذاب.

  13. يقول هاشم:

    بنسبه لل دي اس ال حتى كان خنبوه منك الباسورد ما يقدروش يستعملوه لان يبي نفس الخط الارضي اللي مداير بيه العقد

  14. يقول هكر مان:

    ومزال يشركة ltt دوريني اني سأنتقم منكم اشد الانتقام

  15. يقول Waled Yousef:

    هذاكا كانا فيه زيادة بسرعة ياخذوها وكان حاجة في مصلحة المواطن طز عادي يستنى المواطن يا عليك حالة وخلاص زمان كنا نقولوا صغار المقبور والمقبور وأزلامه باهي توا شني ما المقبور وقعدوا أزلامه يحكموا هي هي هي هي

  16. يقول yahya:

    نبو نت كويس وسريع يا ناس حلولو رزقكم و لا جيبو شركه سعوديه اتلاصلات او مووبايل او فودافون اي شي ال تي تي للسرقه والله بس هضا لشفته مع الاسف

  17. مـــاازال شن ريتووو القليل من الكتير ؟

اتــرك تعليقاً



4 + 1 =